રાજ્ય સરકારનો કડક આદેશ હવેથી માથે ચઢેલા અધિકારીઓ ધારાસભ્યને કાર્યાલય બહાર બેસાડી નહીં રાખી શકે, હવે MLA સીધા જ ઑફિસમાં જઈ શકશે 

 posted on SEPTEMBER 22, 2021at 857 PM 

 

 

 

 તાજેતરમાં જ આખી ગુજરાત સરકાર બદલવામાં આવી છે અને નવી સરકારે હવે ધડાધડ મહત્વના નિર્ણયો લેવાની શરૂઆત કરી દીધી છે. આજે મળેલી કેબિનેટની બેઠકમાં માથે ચડેલા અધિકારીઓ માટે એક નવો જ આદેશ કર્યો છે. 

 

 રાજ્યના વહીવટી તંત્રને વધુ અસરકારક બનાવવા માટે મુખ્યમંત્રી ભૂપેન્દ્ર પટેલની અધ્યક્ષતામાં મળેલી કેબિનેટની બેઠકમાં લેવામાં આવેલા આ નિર્ણય અંગેની વિગતો આપતા રાજ્ય સરકારના પ્રવક્તા અને રાજ્યના મહેસૂલ અને કાયદા મંત્રી રાજેન્દ્ર ત્રિવેદીએ જણાવ્યું હતું કે રાજ્યના દૂર દૂરના વિસ્તારોમાંથી ધારાસભ્યો અને નાગરિકો પોતાના પ્રશ્નોની રજૂઆતો માટે ગાંધીનગર આવે ત્યારે તેમને મંત્રીઓ અને અધિકારીઓ મળી શકે અને ધક્કા ન ખાવા પડે તે માટે સોમવાર અને મંગળવારના રોજ તમામ મંત્રીઓ અને તમામ વિભાગના અધિકારીઓએ ફરજિયાત પોતાના કાર્યાલયમાં હાજર રહેવું પડશે અને મુલાકાત આપશે. 

 

 ધારાસભ્યોએ પ્રજાની પડખે રહેવું પડશે 

 આ નિર્ણયને કારણે ધારાસભ્યોએ પણ હવે સમજી જવું પડશે કે, પ્રજાની પડખે રહીને કામ કર્યા વિના છૂટકો નથી. અંતરિયાળ વિસ્તારોમાંથી કામ માટે ગાંધીનગર સુધીના ધક્કા ખાતી પ્રજાના કામોને પ્રાથમિકતા આપવી પડશે અને પ્રજાના સેવક તરીકે કામ કરવું પડશે. 

 

 અધિકારીઓ માન પૂર્વક બોલાવી ધારાસભ્યોની રજૂઆત સાંભળશે 

 રાજેન્દ્ર ત્રિવેદીએ જણાવ્યું હતું કે સોમવાર અને મંગળવારે ધારાસભ્યો રજૂઆત માટે અધિકારીઓ પાસે જાય ત્યારે અધિકારીઓ તેમને બહાર બેસાડી નહીં રાખે અને તુંરત જ માન પૂર્વક અંદર બોલાવી તેમની રજૂઆત સાંભળશે. 

 

 કાર્યાલય બહાર બેસાડી રાખવાની કુટેવનો અંત આવશે 

 તેમણે જણાવ્યું હતું કે ભૂતકાળમાં એવું ધ્યાન પર આવેલું છે કે ધારાસભ્યો તેમની રજૂઆત માટે વિભાગના અધિકારીઓ પાસે જાય ત્યારે તેમને અધિકારીઓ બહાર બેસાડી રાખતા હતા. આથી હવે સોમવાર અને મંગળવારના રોજ ધારાસભ્યો તેમની રજૂઆત માટે વિભાગના અધિકારીઓ પાસે જાય ત્યારે અધિકારીઓએ માનપૂર્વક સરળતાથી તેમને બોલાવવાના રહેશે અને તેમના કાર્યાલયની બહાર બેસાડી નહીં રાખી શકે. હવેથી ધારાસભ્યો તેમની રજૂઆતો માટે અધિકારીઓની ચેમ્બરમાં સીધા જ ઘૂસી જઈ શકશે. 

 

 આ નિર્ણય સોમ અને મંગળવાર પૂરતો જ રહેશે 

 આ નિર્ણય માત્ર સોમવાર અને મંગળવાર પૂરતો જ છે, બાકીના દિવસોમાં વિભાગના અધિકારીઓની મુલાકાત માટે એપોઇન્ટમેન્ટ લેવાની રહેશે. અધિકારીઓ સૂચનાઓનું પાલન નહીં કરે તો તેમની સામે પગલા લેવાશે કે કેમ? તેવા પ્રશ્નના ઉત્તરમાં તેમણે જણાવ્યું હતું કે આ સૂચનાઓનું ચુસ્તપણે પાલન કરવાનું રહેશે. 

Source link

સચિવાલયમાં ધરખમ ફેરફારો નક્કી ભૂપેન્દ્ર પટેલ IAS અધિકારીઓની બદલીનું લિસ્ટ લઇને દિલ્હીથી આવ્યા; ટૂંક સમયમાં કરશે જાહેરાત 

 posted on SEPTEMBER 21, 2021at 744 AM 

 

 🔥 ગુજરાતમાં નવા મંત્રીમંડળની રચના સાથે સચિવાલયમાં પણ ધરખમ ફેરફારો નક્કી CM ભૂપેન્દ્ર પટેલ IAS અધિકારીઓની બદલીનું લિસ્ટ સાથે લઈને દિલ્હીથી આવ્યા છે જેની ટૂંક સમયમાં જાહેરાત કરશે. 

લિસ્ટ જોવા માટે અહીં ક્લિક કરો

નવી સરકાર રચાયાં બાદ સચિવાલયમાં અધિકારીઓની ધરખમ બદલી થવા જઇ રહી છે. મુખ્યમંત્રી ભૂપેન્દ્ર પટેલે સોમવારે વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ સાથે દિલ્હીમાં મુલાકાત કરી હતી. આ દરમિયાન તેઓને અધિકારીઓની બદલીની યાદી આપી દેવાઇ હોવાનું સૂત્રો જણાવે છે. 

 

 સૂત્રોના મતે ભૂપેન્દ્ર પટેલ પોતાની પાસેના વિભાગોમાં અધિકારીઓની બદલી- નિયુક્તિ કરશે. માત્ર ઉદ્યોગ વિભાગના અધિક મુખ્ય સચિવ રાજીવ કુમાર ગુપ્તા આમાં અપવાદ રહેશે, CMના અધિક મુખ્ય સચિવ પંકજ જોષીને આ હવાલો સોંપાઇ શકે છે. તે સિવાય શિક્ષણ, નાણાં, કૃષિ, મહેસૂલ, આરોગ્ય, પંચાયત, નર્મદા અને પાણી પૂરવઠા જેવાં મહત્ત્વના વિભાગોમાં બદલીઓ થવાની શક્યતા છે. 

 

 આનંદીબેન પાસેથી માર્ગદર્શન મેળવ્યાની શક્યતા 

 સચિવાલયના અધિકારીના જણાવ્યા મુજબ મુખ્યમંત્રી રવિવારે આનંદીબેન પટેલને મળ્યા હતા. તેમની સાથે પણ સરકારી અધિકારીઓની બદલી અંગે માર્ગદર્શન લીધું હોઇ શકે છે. આ જોતાં આનંદીબેન પટેલના વિશ્વાસુ રહી ચૂકેલાં અધિકારીઓની બદલી સચિવાલયમાં મહત્ત્વના વિભાગોમાં થશે. 

 

 વિધાનસભા સત્રમાં નવા મંત્રીઓ અને અધિકારીઓ 

 આવતાં સપ્તાહે સોમવાર અને મંગળવાર બે દિવસ માટે વિધાનસભાનું ચોમાસું સત્ર યોજાઇ રહ્યું છે. આ સત્રમાં નવા મંત્રીઓ ઉપરાંત અધિકારી દીર્ઘામાં મોટાભાગના વિભાગોમાં નવાં જ અધિકારીઓ હાજર રહેશે. ત્યાં સુધીમાં મંત્રીઓને પણ અંગત સચિવ અને મદદનીશ મળી જશે. 

 

 

Source link

રેકોર્ડતોડ વેક્સીનેશન, જાણો કયા રાજ્યમાં મુકાઈ સૌથી વધારે રસી 

 

નવી દિલ્હી, તા.18 સપ્ટેમ્બર 2021, શનિવાર 

 

 ગઈકાલે પીએમ મોદીના જન્મ દિવસ નિમિત્તે દેશમાં કોરોનાના રસીકરણ અભિયાને એવી ઝડપ પકડી હતી કે, ભલભલા રેકોર્ડ તુટી ગયા હતા. 

 

 દેશમાં એક જ દિવસમાં અઢી કરોડ કરતા વધારે લોકોને રસી મુકવામાં આવીહતી.રાજ્યો વચ્ચે પણ વધારે રસી મુકવાની સ્પર્ધા જામીહતી.ન્યૂઝ એજન્સીના કહેવા પ્રમાણે રાજ્યોમાં થયેલા ટીકાકારણમાં કર્ણાટક દેશમાં ટોપ પર રહ્યુ હતુ. રાજ્યોમાં એક દિવસમાં કેટલી વેકસીન મુકાઈ તેના આંકડા જાણો 

 

 કર્ણાટક29.92 લાખ 

 

 મધ્યપ્રદેશ26.91 લાખ 

 

 બિહાર26.62 લાખ 

 

 યુપી24.86 લાખ 

 

 આસામ7.09 લાખ 

 

3.97 લાખ 

હરિયાણા3.73 લાખ 

 

 દિલ્હી1.52 લાખ 

 

 જમ્મુ કાશ્મીર1.15 લાખ 

 

 રાજસ્થાન13.18 લાખ 

 

 પંજાબ2.02 લાખ 

 

 કેરલ3.89 લાખ 

 

 હિમાચલ 62125 

 

 ગોવા 16419 

 

 તામિલનાડુ2.52 લાખ 

 

 Corona Vaccination જે રાજ્યોમાં ચૂંટણી છે ત્યાં 100 વેક્સિનેશન કરવા સરકારનું જોર 

 

 

- ભારતમાં વેક્સિનેશન અભિયાનની ગતિમાં વધારો થશે કારણ કે, જલ્દી જ વિશ્વની પ્રથમ ડીએનએ વેક્સિન Zydus Cadila ઉપલબ્ધ થવા જઈ રહી છે 

 

 નવી દિલ્હી, તા. 18 સપ્ટેમ્બર, 2021, શનિવાર 

 

 વડાપ્રધાન નરેન્દ્ર મોદીના જન્મ દિવસ પર ભારતમાં કોરોના વેક્સિનેશન મામલે અનેક રેકોર્ડ સ્થાપિત થયા છે. પહેલી વખત દેશમાં એક જ દિવસમાં2.50 કરોડ કરતા પણ વધારે લોકોને વેક્સિન આપવામાં આવી છે. તેવામાં હવે વેક્સિનેશનના કામમાં ગતિ આવી છે અને ઓક્ટોબર મહિનાના પહેલા સપ્તાહ સુધીમાં 100 કરોડ લોકોને વેક્સિન આપી દેવાનો ટાર્ગેટ છે. 

 

 એક અહેવાલ પ્રમાણે વેક્સિનેશન અભિયાન અને દેશનું રાજકારણ સીધી રીતે જોડાયેલું છે. એવું કહેવાય છે કે, જે રાજ્યોમાં ચૂંટણીઓ યોજાવાની છે ત્યાં 100 ટકા વેક્સિનેશન માટે જોર આપવામાં આવી રહ્યું છે. આ રાજ્યોમાં ઉત્તર પ્રદેશ, પંજાબ, ઉત્તરાખંડ અને ગોવાનો સમાવેશ થાય છે. આ રાજ્યોમાં કેન્દ્ર ઝડપથી સંપૂર્ણ વસ્તીને કોરોના વેક્સિન આપવા માગે છે. તેનું કારણ ખૂબ જ સરળ છે- કોરોનાનો અંત નથી આવ્યો પરંતુ લોકશાહીના સૌથી મોટા પર્વ દરમિયાન સોશિયલ ડિસ્ટન્સીંગનું પાલન પડકાર બની શકે છે. 

 

 ચૂંટણીવાળા રાજ્યો સિવાય દક્ષિણ ભારતના કેરળ અને કર્ણાટકમાં પણ વેક્સિનેશન ઝડપી બનાવવા જોર આપવામાં આવી રહ્યું છે. ત્યાં કોરોનાના કેસમાં સતત વધારો થઈ રહ્યો છે માટે વેક્સિન કવચ દ્વારા મહામારીને રોકવાનો પ્રયત્ન થઈ રહ્યો છે. ટૂંક સમયમાં જ ભારતમાં વેક્સિનેશન અભિયાનની ગતિમાં વધારો થશે કારણ કે, જલ્દી જ વિશ્વની પ્રથમ ડીએનએ વેક્સિન Zydus Cadila ઉપલબ્ધ થવા જઈ રહી છે. જાણવા મળ્યા મુજબ આ મહિનાના અંત સુધીમાં દેશને એક કરોડ વેક્સિન ઉપલબ્ધ થઈ જશે. ખાસ વાત એ છે કે, તે વેક્સિન બાળકોને પણ આપી શકાશે, જોકે સરકારે હજુ તે અંગે કોઈ નિર્ણય નથી લીધો.

એક અહેવાલ પ્રમાણે ભારત સરકારને સીરમ તરફથી કુલ 20 કરોડ કોવિશીલ્ડ વેક્સિન મળવા જઈ રહી છે અને ભારત બાયોટેક પણ 3.5 કરોડ વેક્સિન સપ્લાય કરવાની તૈયારી કરી રહ્યું છે. તેવામાં આગામી દિવસોમાં વેક્સિન સંકટ વધુ ઘટી શકે છે. 

અંબાજી ભાદરવી પૂનમનો મેળો રદ, ગૃહ વિભાગે કર્યો આદેશ

અંબાજી ભાદરવી પૂનમનો મેળો રદ, ગૃહ વિભાગે કર્યો આદેશ.  



આ વર્ષે પણ ભાદરવી પુનમનો મેળો રદ
ગૃહ વિભાગે આપ્યા આદેશ

આખડી બાધા / માનતા હોય તેમણે જ અપાશે પ્રવેશ.
પગપાળા સંઘ / યાત્રાળુઓનો અવિરત પ્રવાહ ચાલુ.
અંબાજી ધામમાં આ વર્ષે પણ ભાદરવી પૂનમનો મેળો રદ કરવામાં આવી રહ્યો છે. આ અંગેનો આદેશ રાજ્યના ગૃહ વિભાગ દ્વારા કરવામાં આવ્યો છે. ગૃહ વિભાગના આદેશ મુજબ જણાવવામાં આવ્યું છે કે શ્રધ્ધાળુ પદયાત્રીઓ અને પગપાળા સંઘોને કોઈ જ પ્રકારે મંજૂરી આપવામાં આવી નથી. તેની સાથે માત્ર જે બાધા આખડી માન્યતા રાખેલ હોય માત્ર તેમને જ મંદિરમાં પ્રવેશ આપવામાં આવનાર છે.

અંબાજી મંદિર ના લાઇવ દર્શન અહિંથી કરો

youtube પર લાઇવ દર્શન અહિંથી કરો

આમ, અંબાજી મંદિર દર્શન અને અંબાજી ધામનો ભાદરવી પૂનમનો મેળો ગત વર્ષની જેમ આ વર્ષે પણ છેલ્લી ઘડીએ ગૃહવિભાગ દ્વારા રદ કરી દેવામાં આવ્યો છે.. ગુજરાત રાજ્યમાં અત્યારે ભલે કોરોનાના કેસ નહિવત થઈ ગયા હોય પણ કોરોના હજુ સંપૂર્ણ ગયો નથી હજુ પણ કેટલાક કોરોનાના કેસ આવતા રહે છે. તેવી સ્થિતિમાં અંબાજી ધામના ભાદરવી પૂનમના આ મેળા પર પણ કોરોનાનું મોટું ગ્રહણ લાગ્યું છે.


કોરોનાની ત્રીજી લહેરની આશંકા વર્તાઇ રહી છે. તેની અગમચેતીના સ્વરૂપે પગલે આ વર્ષે પણ ભાદરવી પૂનમનો મેળો રદ જાહેર કરવામાં આવ્યો છે. જેકે, અંબાજી મંદિરે માઈભક્તો અને પગપાળા સંઘ યાત્રાળુઓની ભારે ભીડ જામતી જતી હોવાથી આ વર્ષે પણ મંદિર બંધ રાખવા અંગે આ મહત્વનો નિર્ણય તત્કાળ લેવામાં આવ્યો છે. તેની સાથે પગપાળા ચાલતા સંઘોને પણ કોઈ મંજૂરી ન આપવાનો મોટો નિર્ણય લેવાયો છે.



જોકે કોઈને મોટી બાધા કે માનતા હોય માત્ર તેવાજ દર્શનાર્થી ભક્તોને પ્રવેશ માટેની સૂચના આપવામાં આવી છે. અને તે પણ માત્ર મર્યાદિત સંખ્યામાં જ. તેમ છતાં અત્યારે મહત્વની બાબત એ છે કે કોરોના મહામારીનું સંકટ ઓછું થતાં જ માઈભક્તોનો અવિરત પ્રવાહ મંદિર તરફ જઈ રહ્યો છે. હવે આ અંગે વિભાગ દ્વારા શું નિર્ણય લેવાશે ? તે જોવું રહ્યું.

Also Read

• VTV Gujarati News
• TV9 Gujarati News